علشان تضمن إن حملة الدعاية المدفوعة تحقق نتائج كويسة، لازم تكون بتعرض عرض مغري ومنافس. خليك فاكر النصايح دي:
قسّم الحملة حسب خصائص المنتج: زي الفئة، البراند، أو حسب مواسم معينة (رمضان، العودة للمدارس…إلخ).
ركّز على العروض القوية اللي فعلاً تقدر تنافس بيها.
استخدم الاستهداف التلقائي للكلمات المفتاحية، ده هيسهّل عليك إدارة الحملة ويوصل إعلانك للعميل الصح.
ابدأ بـ CPC عالي نسبيًا في الأول: خطوة استراتيجية لزيادة الظهور بسرعة وجمع بيانات تفيدك، بس خليها مرحلة مؤقتة.
خلي سعرك منافس مقارنة بباقي البائعين عشان تجذب العملاء.
وضح حالة المخزون وتوفر المنتج، لما المنتج يكون متوفر على Vendor Center، تقدر تفعّل له الإعلان على طول.
كمّل كل تفاصيل المنتج بشكل دقيق، من وصف، مواصفات، صور واضحة، عشان تقنع العميل يشتري.
ما تفضلش على CPC عالي طول الوقت: لازم تتابع الـ CPA (تكلفة الاكتساب) وتوازن بين تكلفة الإعلان وسعر المنتج وهوامش الربح.
ميزانية يومية قليلة قوي ممكن توقف إعلاناتك في نص اليوم وتضيع منك فرص بيع.
إضافة منتجات كتير قوي في حملة واحدة ممكن يخلي الحملة أقل فعالية، اختار منتجاتك بعناية.
تكرار نفس المنتج في أكتر من حملة هيأثر على تكلفة النقرة (CBC) وربحية الحملة.
التحدي 1: الإعلانات مش بتظهر كفاية (Impressions قليلة):
الحل:
راجع إعدادات المنتج: اتأكد إن المنتج مصنف صح وكل البيانات مكتملة.
لو الحملة تلقائية ومش شايف نتائج:
جرّب تعمل حملة يدوية لمنتجاتك اللي بتبيع كويس.
ابدأ بـ CPC أعلى من المتوسط علشان تزود فرص الظهور.
اتأكد إنك مش مكرر نفس المنتج في نفس الحملة أو Ad Group.
التحدي 2: المنتج مش بياخد مكان في الإعلانات أو بيظهر لكن مفيش مبيعات (Conversion قليل):
الحل:
حسّن جودة صفحة المنتج:
العنوان: خليه واضح ومليان كلمات مفتاحية (زي: “خيمة ضد المية للتخييم”).
الصور: تكون واضحة وجودتها عالية.
المعلومات: كمّل كل البيانات المطلوبة.
اشتغل على تحسين الحملة نفسها:
امسح أي تكرار لنفس المنتج.
زوّد الـ CPC للمنتجات المهمة بنسبة 10%.
احذف المنتجات اللي بتاخد نقرات كتير (أكتر من 80) من غير ولا عملية شراء.
راجع الكلمات المفتاحية وتأكد إنها مناسبة للمنتج.
قارن سعرك بأسعار المنافسين.
لو حابب تتواصل مع فريق الدعاية المدفوعة، تقدر تكلمنا من [هنا].
